МУНІС КОМЫН АРӦСӦН

Ме, Агния Степановна Гичева, гижышта бать йылысь, коді ветліс война вылӧ.

Менам батьӧй, Степан Петрович Лодыгин, чужліс 1911-ӧд воын Габов грездын. Война вылӧ муніс 1941-ӧд воын. Мамлӧн ки вылӧ колис нёль челядь: вит арӧса Салия, куим арӧса ме, кык арӧса Иван да арӧса Николай. Батьлы сэки тырис комын арӧс.

Война вылысь локтіс 1945 воын. Вӧлі контузитчӧма, зэв слабиник, лёка сёрнитіс. Но кад кольӧм бӧрын бурдіс. Война йылысь висьтавліс: «Зэв ёна мучитчим, век тшыгъялім, овны вӧлі зэв сьӧкыд».

Война вылысь локтӧм бӧрын зэв на дыр уджаліс конюкӧн. Сэсся зэв ёна висьмис да, кыдз кӧть эг бурдӧдӧй, кувсис 1971-ӧд воын.