КЫСКИС ЧУЖАНІН

Чужанінад кыскӧ. Владимир Анатольевич Лодыгин семьянас дас во оліс Дзолльын. Уджаліс Лунвыв электрическӧй сетьяслӧн юкӧнын, «Белком» котырын. Кыпӧдіс сэні кык судтаа керка. Вӧлі и вӧр керка. Но гортыс век вӧлі дум вылас. Со и бӧр локтіс чужанінас. Рӧдвуж отсӧгӧн кыпӧдіс югыд да шоныд керка, кӧні олӧны нин уна во. Олимпия Се-ливерстовнакӧд видзӧны вӧлӧс, кӧзаӧс, ыжӧс. Турун пуктыны отсалӧны челядьыс. Владимир Анатольевич вайліс куим челядя аньӧс. Наталья карын, Ольга да Руслан Зимстанын, Александр аскӧдныс.

Владимир Анатольевич уджаліс 35 во. Эмӧсь бетонщиклӧн, бульдозеристлӧн, экскаваторщиклӧн специальносьтъяс. Ӧні пиыскӧд ветлӧны нажӧвитчыны вахтаӧн.

— Дас ӧтиысь нин ветлі Кӧрткерӧсӧ да Мордінӧ. Бура нажӧвитлам, удж сетысь оз ылӧдлы. Овны позьӧ, — висьталіс Владимир Анатольевич.

Овны отсалӧ и ас овмӧс. Олимпиада кыӧ да вузалӧ кепысь-носки. Нажӧвитӧны вӧв помысь, сетлӧны вайны турун да пес дзольсалы. Ӧти лунысь вештӧны шӧркодя 300 шайт. Семья нажӧвитчӧ и вотчӧмӧн.

— Деревняын быдӧнлӧн ас овмӧс. Сьӧма удж абу. Мед босьтчыны да котыртны, колӧ уна сьӧм. Ӧдвакӧ сюрас татшӧм мортыс. Но эска, тані олӧм оз кус, — шуис Владимир Анатольевич.

— Медводз колӧ, мед тані лун и вой вӧлі би, ӧні рытнас и сетыштӧны. Сэки олӧмыс лоӧ югыд, — шуис ассьыс и Олимпия Селиверстовна.