СУВОРОВ ЁРТ, ПӦРЪЯСЬНЫ АБУ ЛӦСЬЫД!

Арабач сиктса (Айкина вӧл. Емдін у.) делегаткаяс юалісны исполкомын уджалысь Суворов ёртлысь (коммунист партияса кандидат), оз-ӧ вӧч сійӧ доклад. Суворов кӧсйысис. Кык часся дыр виччысисны делегаткаяс Суворовӧс доклад вӧчны да муніны бӧр гортаныс. Мортыдлӧн собранньӧтӧ узьсьӧма вӧлі сэки. Суворов кӧсйысис мӧд лунӧ докладтӧ вӧчны. Виччысисны да виччысисны доклад вӧчысьӧс мӧдысьнас делегаткаяс да, воліс ӧд сэки Суворов, сӧмын докладсӧ бара на эз вӧч, кутшӧмкӧ мог пуктіс да бӧр муніс. Пасибӧ, кӧсйысис мортыс коркӧ мӧд лунӧ волыны. Март 21 лунӧ нывбабаяс коймӧдысь чукӧртчисны кывзыны доклад. Бара делегаткаяслӧн лои весь виччысьӧмыс. Суворов весиг нырсӧ эз мыччыв. Сэки сӧмын ми бабаяс казялім, мый Суворов ёрт вӧлӧм миян вылын смекайтчӧ.

«Асъя кыа».