КОЛӦ ЧИРЫШТНЫ ПОПОВӦС ДА МАЛЬЦЕВӦС

Ыб вӧлӧсьтын (Сыктыв у.) Кулига сиктын йӧз дзикӧдз матайтчӧмаӧсь кык кулиганӧн — М. Й. Поповӧн да М. Й. Мальцевӧн. Мальцев да Попов юасны да ветлӧны сикт кузя зоръясӧн да пуртъясӧн, да косаясӧн, кучкӧны кодлы веськалӧ, ыджыдлы кӧть челядьлы. Неважӧн праздник дырйи найӧ кыкӧн жуллисны 5 крестьянинлысь ӧшиньсӧ. Крестьяна наысь зэв ёна полӧны; судӧ сетны найӧс пакӧститчӧмысь оз лысьтны: ыджыдджык лёк пӧ сэки вӧчас. Судас эськӧ на вылӧ бура уна делӧ нин сетӧма да. Колӧ став делӧяссӧ на йылысь ӧтлаӧ чукӧртны да ёнджыка судитны татшӧм кулиганъяссӧ.

Югыд бугыль.