ЛОВЪЯ КАРТИНА ПЕЗМӦГЫН

Март тӧлысьын 21-ӧд лунӧ Кулӧмдінсянь Пезмӧгӧ волісны ловъя картина петкӧдлыны (кино). Картина петкӧдлісны лыддьысян керкаын. Гырысь и посни, пӧрысь и том волісны видзӧдны аддзывтӧмтортӧ. Ичӧт керкаысла ӧтпырйӧ эз тӧрны да, мӧд пӧв петкӧдлісны. Ставыс видзӧдысьыс кык пӧрйӧннас вӧлі морт 250 кымын. «Сӧвет власьтӧдзыд татшӧмтор йывсьыд эгӧ и кывлӧй, кысь нин эськӧ аддзывнысӧ да», — нимкодясьӧны пезмӧгса ловъя картина видзӧдысьяс. Разӧдчаліганыс шуисны — мӧдысь на пӧ волӧй регыдджык ловъя картинатӧ петкӧдлыны.

Гӧль морт.