КЫДЗИ ЛЕЧИТНЫ ЛУДАН ВИСЬӦМ

Мед он висьмы лудӧмӧн, колӧ тшӧкыдджыка вежлавны белльӧтӧ, тшӧкыдджыка пывсьыны, мыськыны китӧ пыр майтӧгӧн, оз ков инмӧдчыны висьысьяс дінӧ да найӧ кӧлуй дінӧ.

Сэсся ёна жӧ пелька колӧ видзны керкатӧ, асьтӧ дай вольпасьтӧ.

Висьман кӧ лудӧмӧн, колӧ ӧдйӧнджык лечитчыны кутчысьны. Медбур лоӧ, шыасьлан кӧ сэки врач дінӧ либӧ пельшӧр дінӧ. Найӧ кӧ матын абуӧсь, позьӧ вӧчны тадзи: колӧ судзӧдны зелёнӧй мыло да сернӧй мазь да сійӧн зыравны висянінъяссӧ. Сӧмын колӧ тшӧкыдджыка пывсьыны. Висьмӧм бӧрас кӧ пыр кутчысян лечитчыны, тадзи лечитчӧмӧн кымынкӧ лун мысти позьӧ бурдны.

Став кӧлуйсӧ висьысьыслысь колӧ пуан ва пытшкын видзыштны, мед лудӧмӧн висьӧдан гагъясыс ставыс кулӧны.