ПОШТА КУД

СОВПАРТШКОЛА. СОЗОН МИШЛЫ. Ачыд он велӧд, кыдзи нывъяслы мынтӧдчыны зонъяс кабыр улысь.

ЙӦРТЫМ. КЕР ЙИРЫСЬЛЫ. ПОЖӦГ. КЕР ЛЭДЗЫСЬ ЧУКӦРЛЫ. ЧЕРНЫШ. МУЖИКЛЫ. Лыддьӧй «Югыд туйысь» 3-ӧд мартся № 42, статья «О договоре Северолеса». Оз кӧ договор сертиыс вӧчны, тшӧктӧй месткомтӧ ёнджыка уджавны.

ЧУКЛӦМ. ЖЕЛЬНӦГЛЫ. Став сведенньӧсӧ военкоматлы сетӧ волисполком.

ВАЖКУА. ТӦЖДЫСЬЫСЬЛЫ. Велӧдысьыд ӧд, кӧнкӧ, лэччыліс карад юасьӧмӧн исполкомлысь ли УОНО-лысь.

ЫДЖЫДВИДЗ. УДЖАЛЫСЬЛЫ. Гусясьӧмысь эм суд.

ВИЗЯБӦЖ. ВИДЗӦДЫСЬЛЫ. Энӧ полӧ председательсьыд: бура кӧ кутад уджавны, станция тіянлысь оз мырддьыны.

КУНИБ. ГРАНИТЛЫ. Сьылан-лыддяныд оз мун.

ПОМӦСДІН. СТЕПӦЛЫ. Нинӧм, шуан, эз вӧч, а ачыд гижан спектак сувтӧдӧм йылысь. Гиж, уна-ӧ нига вермид разӧдны.

АЙКИНА. КРЕСТЬЯНИНЛЫ. Кооперативлы позьӧ тӧргуйтны винаӧн.

СЛӦБӦДА. КОМСОМОЛЕЧЬЯСЛЫ. Исполкомын юӧм вылӧ да комсомолечӧс нӧйтӧм вылӧ колі вӧчны акт.

ГАРЪЯ. ЖЕЛЬНӦГЛЫ. Гиж, кодлы ветліс ньӧбасьныс Яткаас важ купечыд.

РУЧ. ПОПОВЛЫ. Вӧлӧсьтувса удж йывсьыс нинӧм он гиж.

АЙКИНА. СЛЕДИТЫСЬЛЫ. Мыжсӧ кӧ аддзан, висьтав милиционерлы.

СОВПАРТШКОЛА. ИВАНОВЛЫ. Вочакывйыд оз мун. Верман гижысьсӧ сетны судӧ.

КУЗЬМЫЛЬК. ДЕЛЕГАТКАЛЫ. Делегаткаястӧ велӧдӧны нин да.

АЙКАТЫЛА. ВОМЫНСАЛЫ. Нӧйтӧмысь сетӧны судӧ. Шӧркодя олысьяс колӧкӧ соссявлісны став видз-мусӧ гижалӧмысь. Колӧ исполкомлысь юасьны налогсӧ пукталӧм йылысь.

ЫБ. КӦЧЛЫ. Бабаяс юӧм йывсьыд оз мун.

НЁБДІН. ПРОНЬЛЫ. Сьылан-лыддяныд оз туй.

ЫДЖЫДВИДЗ. КИМЛЫ. Юысьяс вӧсна кӧ пакӧсьтъяс лоисны, колӧ гижны налысь нимъяссӧ.

ЫБ. КАГАЛЫ. Поснитор гижан.

ПОМӦСДІН. ИГНАТОВЛЫ. Редакцияын удж тэныд абу жӧ.

МАДЖА. УТКАЛЫ. Оз кӧ уджавны, мырдӧнавны некыдз он вермы.

ПОЁЛ. ПУНЕГОВЛЫ. Выль нимъяс йывсьыд огӧ печатайтӧ.

ЛЫАТЫ. КОЗ ПУЛЫ. Сюсь морт йывсьыд гиж прокурорлы.

КЕБРА. НЫРЩИКЛЫ. Поснитор гижан.

ПОЁЛ. СКРИПОВЛЫ. Мӧд приказчикӧс босьтӧм йылысь кыпӧд сёрни общӧй собранньӧ вылын.

СОВПАРТШКОЛА. СИМАКОВЛЫ. Велӧдчыны волывлытӧмысь Соснин абу ӧтнасӧн мыжа; ачыд гижан, ставыс пӧ вӧрын сортовка дінын.

ПОЖӦГ. ПАШНИНЛЫ. Этша зэв гижан кер лэдзысьяс олӧм йывсьыд да, оз мун.

ЫБ. КРЕСТЬЯНИНЛЫ. Избач йывсьыд вӧлі нин. Исполком йывсьыд шуан сӧмын.