ИСПОЛКОМЫН ОЗ УДЖАВНЫ

Ручса (Кулӧмдін у.) исполкомын уджалысьяс пукалӧны сӧмын канцелярияса удж вылын: юралысьыс бумагаясӧ гижсялӧ да мый да, финагент налог босьтӧмтӧ гижыштас, секретарыс кытчӧсюрӧ сведенньӧяс сетыштас — сійӧ став уджыс налӧн. А вӧлӧсьтувса сӧветлӧн чукӧртчылӧмыс тӧлысь нёль абу нин вӧвлӧма, секцияяс исполкомлӧн абу на лӧсьӧдалӧма. Тавося бюджетын сетӧма сьӧм исполкомас да школаӧ ремонтъяс вылӧ, а ӧти кирпич ни кер абу на заптӧма исполкомлӧн. Школаясас да исполкомас пачьяс кыш кодьӧсь, пӧжарнӧй сарайлӧн вевтыс пож кодь. Кор бара заводитасны уджавнысӧ-а?

Йӧй ручса.