ПОЛЬШАСА КРЕСТЬЯНАЛӦН ОЛӦМ

Меньшевикъяс помещикъяскӧд ӧтвылысь пӧрйӧдлӧны крестьянаӧс.

Барановичи уездын (Польшаын) меньшевикъяс висьтавлӧмаӧсь крестьянаыслы, ми пӧ заводитчим нин помещикъяслысь босьтавны муяссӧ да кӧсъям пӧ сетавны меньшевикъяс партияас пырысь крестьянаыслы. Крестьяна ставныс кутісны пырны меньшевикъяс партияас.

Коли тырыс вежон, а крестьянаыдлы, дерт, некутшӧм муяс эз сетны. Сэсся крестьянаыд кутісны корны меньшевикъясыдлысь муяс либӧ бӧр сетны налы меньшевикъяс партияас пыран шленскӧй взносъяссӧ. Став крестьянаыс петісны бӧр меньшевикъяс партиясьыс. Шленскӧй взносъястӧ, дерт, бӧртӧ эз сетны. Крестьяна зэв ёна скӧрмӧмаӧсь меньшевикъяс вылӧ.

Слоним карын (Польшаын) сиктъясысь вӧлӧн локтысь крестьяналысь босьтӧны налог, шусьӧ вӧв кок налогӧн. Тайӧ налогсӧ босьтны карас пыран став туй вылас сувтӧдалӧмаӧсь торъя йӧзӧс.

Глубокӧй районын польшаса власьтъясыс крестьянаӧс тшӧктӧны видзны телеграф сюръяяс. Видзныс сюръяяссӧ тшӧктӧны ставыс крестьянаыслы 18 арӧссянь. Видзны лоӧ сюръяяссӧ кӧть кутшӧм поводдяӧн 12 час гӧгӧр помала. Кытчӧкӧ кӧ кынмыны кутасны да ветласны шонтысьны ли, мый ли, на вылӧ пуктӧны зэв гырысь штрап.