ЛИГА НАЦИЙЛӦН СЕССИЯ

Германия эз вермы пырны Лига Нацийӧ

Париж. Швейцарияын мунӧ Лига Нацийлӧн сессия. Посни государствояс вӧзйысьӧны босьтны найӧс Лига Нацийса Сӧветас постояннӧй шленӧ. Германия тшӧтш вӧлі ёна окотитӧ пырны Лига Нацийса Сӧветас постояннӧй шленӧ. Постояннӧй шленыс Лига Нацийса Сӧветын вӧлі нёль, сӧмын ӧні вӧзйысьыс сэтчӧ унаӧн. Германия кындзи корӧны постояннӧй места: Польша, Румыния, Чехословакия да Бразилия. Бразилияса (лунвыв америкаса государство) представитель сессия вылын шуис: Германия кӧ лоӧ лэдзӧма постояннӧй шленӧ Лига Нацийса Советас, Бразилия тшӧтш корӧ постояннӧй места Сӧветын. Бразилия дор сулалӧны Италия да Соединённӧй Штатъяс. Сэсся румынияса представитель сідзжӧ корӧ постояннӧй места. Сы вӧсна сессия эз вермы Германия Лига Нацийӧ пырӧм йылысь нинӧм ӧні шуны да кольӧма та йылысь сёрнисӧ мӧд сессияӧдз (сентябр тӧлысьӧдз). ТАСС.