КАПИТАЛИСТ ГОСУДАРСТВОЯСЛӦН КИТАЙЛЫ НОТА

Капиталистъяс лӧсьӧдчӧны народнӧй армияяслы паныд сувтны

ПЕКИН. Март 12 лунӧ японияса посол юӧртіс народнӧй армияса штабсӧ, Таку порт канава пыр пӧ мунас ӧти японияса военнӧй паракод (миноносеч). Таку гарнизонса начальникыс сетіс приказ лэдзны паракод канава пыр. Сӧмын кор паракод пырис канаваад, ӧтпыр сыкӧд пырис мӧд японияса военнӧй паракод. Гарнизонса начальникыс тшӧктіс лыйны холостӧй снарадӧн, мед мӧд паракодыс бергӧдчас. Японияса паракодъяс бергӧдчӧм пыдди заводитісны лыйсьыны берег кузя да виисны 10 китайса салдатӧс. Капиталист государствоса посолъяс мӧдӧдісны ӧні китайса правительстволы нота. Нотаас найӧ мыждӧны китайса правительство японияса паракодъяс кузя лыйсьӧмысь да тшӧктӧны Таку портысь идравны военнӧй оружйӧ, лэдзны иностраннӧй военнӧй паракодъяс Таку портас да тшӧктыны китайса морскӧй паракодъяслы не отсавны берегвывса косясьысь генералъяслы. Тайӧ тшӧктӧмъяс серти кӧ китайса правительство оз вӧч март 18 лун кежлӧ, капиталист государствояс заводитасны воюйтны народнӧй армияяскӧд.

Пекинса газетъяс гижӧны: Капиталист государствояс кыдз вермӧны отсалӧны Чжан Цзолиньлы, ӧні найӧ лӧсьӧдчӧны веськыда нин сувтны народнӧй армияяслы паныд. ТАСС.