ГАЖА РАСКӦ КАЙЛА...

Гажа раскӧ кайла,
Дай раскӧ кайла!
Кыдз пулысь росъяссӧ керала,
Дай росъяссӧ керала!
Шӧвк вӧньӧн нӧбъяла, кӧртала,
Дай нӧбъяла, кӧртала!
Пельпом вылын гортӧ лэччӧда,
Дай гортӧ лэччӧда.
Росъяс вӧча, тэчала,
Дай вӧча, тэчала,
Ме топыда кӧртала, гартлӧдла,
Дай топыда гартлӧдла!
Сета бур аньлы джоджсӧ чышкыны,
Дай джоджсӧ чышкыны!
Сійӧс аддзас мича вира ныв,
Дай вира ныв!
Менам мусукӧй бурӧн казьтыштас,
Дай бурӧн казьтыштас!
Менӧ аддзӧдлас, топыда дзигӧдлас,
Дай дзигӧдлас!
Вом дорӧс окыштас, радейтны кӧсъяс,
Дай кӧсъяс радейтны!..