ЫБ ВЫЛЫН ВУНДӦНЫ...

Ыб вылын вундӧны
Гожӧмын войтыр,
Мышнысӧ шондіыс
Найӧлысь сотӧ.
«Кӧть эськӧ зэрыштіс!»
Ӧти зон шуӧ.
Морӧсыс жанвидзӧ.
Сук ырӧш юӧ.
Зэрводзса пӧжӧмыс
Мучитӧ найӧс.
Вӧр сайсянь рытыв тӧв
Лӧз кымӧр вайӧ.
Киссьӧны зэр тусьяс
Гырысьӧсь, шоча.
Гыӧны вундысьяс,
Чукӧрмӧ кольта.
Сувтісны. Шензьӧны.
Паськӧмныс гортын.
Зэр тусьыс тшӧкмаммӧ,
Дӧрӧм пыр мӧрччӧ.
Чужӧмныс ставныслӧн
Бӧрддзыны кӧсйӧ.