ТӦВ ПАНЫД! Бурсиа-кесйӧдла «Коми котырлы» Вась Педӧр гу вылынАбу сибыд миян саридз, Оз ланьтлы, ызгӧ лун и вой, Паськыд йирлӧн джуджыд пыдӧс Уна мортлысь босьтіс лов. Повтӧг, вокъяс! Мунам ылӧ... Парус гезъяс зэвтӧ тӧв: Лэбзяс пыжным гыяс вылӧ Борда пӧтка, пӧтка моз. Юръяс весьтті швучкӧ кымӧр, Тӧвныр ӧддзӧ, гызьӧ ва, Ыджыд шыӧн локтӧ кунӧр... Вынкӧд вензям — мый лоас — ло! Сюся, вокъяс! Гым-чард гымгас... Пузяс ва, веж лыбзяс быг; Вылӧ, гы вылӧ гы каяс, Восьтлас пыдӧс — джуджыд гу. Сэні водзын, саридз сайын, Майбыр гажа оланін: Оз и пемдыв енвевт вылын, Шондіа, оз шызьыв — лӧнь... (Но). Сэтшӧминас вермас воны Сӧмын ён сьӧлӧма йӧз... Чорзьӧй, вокъяс! Кутӧй ёна, Мед оз оръясь парус гез!
