ПОШТА КУД

ВЫЛЬГОРТ. НАЛИМОВЛЫ. Газет дорысь суд вермас бурджыка велӧдны сійӧ мортсӧ.

ЫДЖЫДВИДЗ. Гижӧдтӧ мӧдӧдім ОКК.

ОЗЁЛ. «Бур делӧ» да «Примернӧй йӧз» оз мунны — та йылысь вӧлі нин.

ПОЖӦГ. КЕР ЛЭДЗЫСЬ ЧУКӦРЛЫ. Договор вежӧм йывсьыд колӧ вӧлі сёрнитны Всеработземлес пыр.

КӦРТКЕРӦС. ТУМБАЛЫ. Избач йывсьыд оз мун. Кӧйдыс весалӧм йылысь газетын вӧлі нин.

ПЕЗМӦГ. ЗБЫЛЬЛЫ. Кодалӧм йывсьыд оз мун.

КИБРА. БЕДНӦЙ ПОРТФЕЛЬЛЫ. Колі гижны, кодъяслысь унджыксӧ страхӧвӧй агентыд босьтавлӧма.

СЛӦБӦДА. КОДАНЁВЛЫ. Лыддьысян керка йывсьыд кадӧн эгӧ вермӧй сюйны газетӧ. Гиж, кыдзи ӧні мунӧ сэн уджыс.

ЫБ. ЛИКВИДАТОРЛЫ. Газет судзӧдӧм йывсьыд оз мун — зэв тӧдчытӧмтор.

ПОЗТЫ. ПИОНЕР ИЗЪЮРОВЛЫ. Гижӧдъясыд ӧні сёрмисны нин. Кадас некыдзи эгӧ вермӧй лэдзнысӧ.

КӦЖМУДОР. ЧУШКАН ЗІЛЫ. Гижӧдтӧ ыстім Совпартшколаӧ.

ЛЫАТЫ. МИКОВЛЫ. Тӧдчанаторйыд спектакъяс йывсьыд нинӧм абу да, оз мун.

ВОЧ. ЛЕТОРОСЛЫ. «Кодлы мый колӧ вӧчны» гижӧдыд оз мун. Колӧ лючки гижны став омӧльторъяссӧ, а редакцияыс ачыс нин лӧсьӧдалӧ татшӧмторъяссӧ («Ми кылам» либӧ «Кодлы мый вӧчны»).

ПОЗТЫ. ИЗЪЮРОВЛЫ. Абу кӧ лючки гижӧма, Изъюрова Матреналы колӧ гижысьсӧ сетны судӧ.

ПОЖӦГ. ВИДЗӦДЫСЬЛЫ. Гижӧдтӧ кадӧн эгӧ вермӧй лэдзнысӧ да, ӧні ёна сёрмис.

КОТЛАС. ЙӦГРА ПИЛЫ. Льготаяс йывсьыд гижлім нин газетӧ. Тревога йывсьыд оз мун, тӧдчытӧмтор.

НЁБДІН. ПЕКНИЧА. Стихъясыд оз мунны, абу шыльыда гижӧмыд.

ВЫЛЫС ВОЧ. СКИТАЛЕЧЛЫ. Стихъясыд оз мунны, зэв тӧдчытӧмтор йылысь гижан.

МОРДІН. СЕЛЬКОР 148. Гижӧдыд ёна сёрмис да, оз мун.

МОРДІН. ШЕВЕЛЕВЛЫ. Гижӧдъясыд ёна сёрмисны да, оз мунны.

ПОЗТЫ. № 50. Колӧ велӧдны крестьянасӧ ветлыны лыддьысян керкаӧ.

АЙКИНА. АЙКАЛЫ. Коммунистъястӧ пинялӧм йылысь оз мун. Избачтӧ омӧльтӧмнад эн тэрмась — выль мортыс сӧмын тӧдмасьӧ на уджнас.

КӦРТКЕРӦС. П. С. П. Гиж вӧлӧсьтувса олӧм йывсьыд бурсӧ да лёксӧ. Сьылан-лыддянтӧ нюжӧдӧмыд кузя; ӧтиторсӧ гоз-мӧдысь шуӧмыд. Висьысь ныв йывсьыд поснитор гижан. Нигаястӧ разӧдігӧн колі висьтавлыны, мед ставыс ньӧбалісны, латаръянад ӧд ті нигатӧ он зэв паськӧд.

НЁБДІН. МАКАРОВЛЫ. Ӧні «Коми сиктыс» абу ӧтлаын «Югыд туйыскӧд». «Коми сикт» колӧ судзӧдны торйӧн. Доныс сылӧн 15 ур тӧлысь.

ЛОВЪЮ. ЯК ИВАНЛЫ. Ним-овтӧ абу пасйӧмыд да, оз мун.

ПОМӦСДІН. СТЕПӦЛЫ. Пельшӧрыд вӧчӧ сӧмын ассьыс уджсӧ, ошкӧм оз мун газетын.

СОВПАРТШКОЛА. БУКУРСАЛЫ. Тӧдчанаторйыс озёлса олӧмын нинӧм абу да, оз мун.

КЕРЧОМЪЯ. АНТИХРИСТЛЫ. Он гиж, кутшӧма юысьясыд уджалӧны да, огӧ печатайтӧ.

СІТБАР. Ю. С. Ф-лы. Пернаӧн вузасьӧм йывсьыд оз мун.

МЕЖАДОР. СЮЗЬ БУГЫЛЬЛЫ. Гижӧдтӧ ыстім О.К.К.

КУЛӦМДІН. ДЕДОВЛЫ. Школаын велӧдӧм нёльнан восӧ мунӧ комиӧн. Роч кывйӧн тӧдмавны заводитӧ школа сӧмын коймӧд восянь.

КУЗЬМЫЛЬК. УЛЯШОВЛЫ. Ачыд видан бабаястӧ да, дерт, видасны. Колӧ кутӧмӧн сибӧдчыны найӧс велӧдны.

КАРВУДЖӦМ. КР-НИН ПИЛЫ. Тӧдчанаторйыс сиктса олӧмад нинӧм абу.

ПОМӦСДІН. ПИОНЕРЛЫ. Гашкӧ, збыль шуӧны комсомолечьяс, мый ті дурад да нинӧм онӧ гӧгӧрвоӧй спектакъяс вылас. Гырысь йӧзыд ӧд тіянся на этшаджык кывлӧны да аддзывлӧны, колӧ найӧс лэдзны.

ПОМӦСДІН. ЁКЫШЛЫ. Ёна бур ни омӧль вӧлӧсьтувса олӧмад оз тӧдчы.

ОТ. КУМТІПЛЫ. Вичко старӧсталы ӧд пӧжарнӧй машинаыд эз вӧв кӧнкӧ сетӧма видзны. Колӧ гижны, кодлысь корлід разрешенньӧтӧ добровольнӧй сборыд вылӧ.

КИБРА. ПИОНЕРЛЫ. Гижӧдъясыд оз мунны. Посни челядьыд ӧд ёна кӧ дурны кутасны, дерт, найӧс лоӧ чирыштны, мед оз гырысь лыддьысьысьясыслы торкны. Велӧдысьяс йывсьыд он жӧ лючки гиж. Ёна пӧ, гижан, критикуйтісны. Дерт, критикуйтасны, омӧля кӧ уджалӧны.

ВЫЛЬГОРТ. НАЛИМОВЛЫ. Сӧрӧмыд оз мун.

ЫДЖЫДВИДЗ. ТУНЛЫ. Северолесӧн дон мынтытӧм йывсьыд ыстім Удж юкӧдӧ.