ВОЧАКЫВ КАБАНЛЫ

(«Коми сикт» газетын «Скӧр избач» гижӧд вылӧ)

«Избачӧ пуксьӧмсянь Русь лыддьысян керкаын гижӧма 44 заявленньӧ, 20-сӧ нывбабаяслы. Лыддьысьны волывлысь содӧма 26 морт, унджыкыс нывбабаяс. Русь лӧсьӧдӧма лыддьысян керкаӧ Ленин нима пельӧс, керка пытшкӧс мичаа гажӧдӧма, нигаяс тэчӧма тыдаланінӧ, вузалан нигаясыслы торъя джадж вӧчӧма. Лыддьысьны волывлысьяс пукалӧны бура, лӧсьӧдӧма дежурство. Волывлысь лыддьысян керкаӧ пыр содӧ. Русь уджалігӧн лыддьысян керкаын став уджыс вежсис бурлань», — тадзи шуисны ыбса коммунист партия, комсомол, профсоюз, делегаткаяс да волполитпросветком асланыс собранньӧяс вылын.

Кабанлы нинӧмсӧ оз ков гижны газетӧ.

Волполитпросветком тшӧктӧм серти гижис

И. Горчаков.