РЕДАКЦИЯ СЕТӦ ӦТВЕТ БЫД ЮАСЬӦМ ВЫЛӦ

Юалӧм. Кыдзи торйӧдчыны, гознаныс кӧ торйӧдчӧны?

Висьталӧм. Торйӧдчыны кӧ кӧсйӧны гознаныс, оз кӧ некоднаныс паныд мунны, торйӧдӧ волисполком.

Юалӧм. Кыдзи торйӧдчыны, ӧтиыс кӧ оз кӧсйы торйӧдчыны?

Висьталӧм. Торйӧдчыны кӧ гозъя письыс ӧтикыс сӧмын кӧсйӧ, сэк лоӧ гижны заявленньӧ судӧ. Судӧ колӧ сетны сӧмын гӧтрасьӧм йылысь гижӧдсӧ, сы кындзи сэсся некутшӧм бумагаяс оз ковны. Заявленньӧас лоӧ ляскыны гербӧвӧй марка 1 шайта да мынтыны ещӧ судебнӧй пошлина 2 шайт.

Юалӧм. Код ордын кольӧны челядь?

Висьталӧм. Бать-мам ас костаныс кӧ оз вермыны лӧсьӧдчыны, суд ачыс вӧчӧ тайӧ делӧсӧ. Суд оз видзӧд мам-бать корӧм вылас. Коднаныс вермӧны бурджыка быдтыны челядьсӧ, сылы и сетӧ. Бать-мам кыкнаныс быдтӧны торйӧдчӧм бӧрын челядьсӧ ӧткодя. Ӧтикыс сетӧ кодыслыкӧ быдтӧм вылӧ сьӧм.