ТОМ ЙӦЗ ОМӦЛЯ ОЛӦНЫ

Джиян сиктын Ыджыдвидз вӧл. (Кулӧмдін у.) йӧзӧс югдӧдан удж некутшӧм оз мун. Эм эськӧ краснӧй уголок дай комсомол ячейка, да оз уджавны. Джиянса том йӧз зэв ёна юӧны да ветлӧны рытъясын пуртъясӧн. Быд храм праздник дырйи Джиянын морт-мӧдӧс пуртнад шулявлӧны. Медса ёна том йӧз дӧзмӧдчӧны гырысьясӧс велӧдігӧн. Чукӧртчасны рытнад школа стӧрӧжка тыр велӧдчытӧм том йӧз да мыйсӧ сэн оз керны! Ыстыны найӧс сэсь он лысьт: ӧшиньтӧ шыасян кӧ, ставсӧ лэдзасны, сэтшӧмӧсь джиянсаяс. Ыджыдвидзса коммунист ячейкалы да йӧзӧс югдӧдан удж нуӧдысьяслы колӧ кутчысьлыны Джиян сиктӧс югдӧдны.

«Тӧдысь».