ГУСЯЛӦМАӦСЬ АБУ НӦ?

Скӧрӧдумын (Помӧсдін в. Кулӧмдін у.) ӧтувъя лавка П. В. Шомысов приказчикалӧмӧдз уджавліс шӧркоддьӧма. Шомысов кык тӧлысьсӧ эзджык на ов лавкаас, а сэккості (висьталӧ ачыс) пыралісны кыкысь нин лавкасӧ петкӧдны. Ӧтчыдсӧ, шуӧ, воши пӧ 15 шайт сьӧм, тӧрыт пӧ лавка ӧдзӧссӧ омӧля игнавсьӧма да. Висьталӧм бӧрын вӧчлісны ревизия да, Шомысов эз судзсьы 187 шайт сьӧм. 8 лун та бӧрын вузасис Шомысов да бара висьталӧ: ӧшиньсӧ пӧ жугӧдӧмӧн пыралӧмаӧсь лавкаӧ да петкӧдӧмаӧсь 100 шайт бумага сьӧм. Бара вӧчисны ревизия. Сэки Шомысовлӧн эз тырмы 186 шайт сьӧм. Та бӧрын лои бӧрйыны выль приказчикӧс. Ӧні шленъяс оз тӧдны, мый вӧчны, ӧткымын, кылӧ, сёрниталӧны нин ассьыныс пайнысӧ бӧр босьтны лавкасьыс. Колӧ эськӧ прамӧйджыка тӧдмавны, кытчӧ лои Скӧрӧдумса лавкалӧн сьӧмыс.

Ефремов.