«БУР» ПЕЛЬШӦР

Отса (Емдін у.) скӧт лечитысь пельшӧрӧс зэв сьӧкыд суӧдны гортас, пыр сійӧ кор чери кыйӧ, кор мый; дай суан кӧ сійӧс, бурыс абу жӧ уна. Со сійӧ кыдзи тӧждысьӧ йӧрмӧм йӧзыдлы отсавны. Волісны сыла дас вит верст сайсянь Семуковсянь да Кырссянь нарошнӧ вӧлӧн кык морт. Ӧтикыслӧн вӧлӧм мӧскыс куйлӧ, мӧдыслӧн вӧлыс кыткӧ висьӧ. Мӧс дінӧ корысьлы пельшӧр шуас: «Мун пӧ, мед святӧй Пантилимон лечитас», мӧдыслы: «Кулӧ кӧ вӧлыд, оз нин первой кулысь ло», сэсся оз и вӧрзьӧдчыв пукаланінсьыс. Чӧвтӧй либӧ вежӧй, татшӧм лекарыд миянлы оз ков.

Семуков.