МУЖИКЪЯС ПОТШӦНЫ НЫВБАБАЯСЛЫСЬ ТУЙ

Читын, карбердса сиктын, нывбабаяс кыпӧдчӧны. Краснӧй уголокӧ волывлӧны бура уна шӧр нэма баба, быдӧн кагаяснас тшӧтш. Делегатскӧй собранньӧяс вылын уджавны читсакӧд позьӧ, делегаткаяс ёна кутчысьӧны удж дінӧ, зільӧны бырӧдны ассьыныс пемыдлуннысӧ. Сӧмын бабаяс норасьӧны, ёна пӧ налысь водзӧ мунан туйсӧ потшӧны мужикъясныс. Собранньӧяс вылӧ мукӧд бабаясӧс мужикъясыс оз лэдзны, общественнӧй удж бердӧ оз сибӧдны: ӧтчыд народнӧй заседательясӧс бӧрйигӧн нывбабаяс индылӧмаӧсь ас пытшсьыс заседательпу вылӧ ӧти нывбабаӧс, да сувтӧма мужик дай шуӧма: нывбабаӧс пӧ бӧрйыны оз ков, нинӧм наысь, нывбаба сар пӧ абу вӧвлӧма. Сы бӧрын весиг ӧти нывбабаӧс абу бӧрйӧмаӧсь заседателяс. Школаса велӧдысьяслы да карса вынаджык делегаткаяслы колӧ отсавны кыпӧдчыныс читса нывбабаяслы.

Виттор Наталь.