КОЛӦ ИЗБАЧ

Руч вӧлӧсьтын (Кулӧмдін у.) некутшӧм йӧзӧс югдӧдан удж оз мун. Лыддьысян керкаын ӧшалӧ томан. Избачыс ӧні абу; вӧвлӧма эськӧ, да лесникӧ пуксьӧма. Лыддьысян керкаса библиотекаын нигаяс лӧсьӧдлытӧмӧсь, кыдз веськалӧмаӧсь, сідз и куйлӧны. Газетъяс исполкомса служащӧйяс кындзи некод оз лыддьыв. Комсомол ячейка коркӧ эськӧ неыджыд вӧлӧма да, ӧні оз жӧ тыдав.

Ме думысь кӧ, Уполитпросветлы колӧ ыстыны Руч вӧлӧсьтӧ бурджык избачӧс, мед сійӧ лӧсьӧдас, йӧзӧс югдӧдан уджсӧ бурджыка сувтӧдас.