КАНТОНСА РАБОЧӦЙЯС БАСТУЙТӦНЫ

Англия сюйсьӧ. Кантонскӧй порт тупкӧмаӧсь

Пекин. Кантонын (Китайын) бастуйтӧны портас уджалысь рабочӧйяс.

Англия да Китай кост договор серти, кантонса таможняын уполномоченнӧйсӧ налогъяс ӧктӧм вылӧ пуктӧ Англия. Уполномоченнӧйыс ӧні сетіс приказ: забастовочнӧй комитетыс кӧ оз дугды грузитчан уджас сюйсьыны да оз кӧ бергӧд кутӧм грузъяс, февраль 22 лунсянь портас огӧ лэдзӧй некутшӧм паракодъяс да некутшӧм грузитчӧм удж оз ло. Забастовочнӧй комитет грузитчан уджӧ сюйсьӧмӧн торкӧ Китай да мукӧд государствояс кост договоръяс. Кантонса правительство оз кӧ дугды отсавны забастовочнӧй комитетлы, сійӧс тшӧтш лоӧ лыддьыны мыжаӧн.

Англияса посол мӧдӧдӧма пекинса правительстволы нота; нотаас гижӧны: оз кӧ вермы пекинса правительство Кантонын лӧсьӧдны пӧрадок, Англия кужас ассьыс правасӧ корсьны. ТАСС.