МОРДІН ВӦЛӦСЬТЫН

(Кулӧмдін у.)

Комсомолечьяс омӧля олӧны.

Комсомол ячейкаса шленъяс оз асьнысӧ комсомолечьяс моз видзны. Унджыкыс на пиысь юӧны самӧкур да ӧти мӧд вылӧ матькӧны. Ютӧм морт ячейкаысь сюрас сӧмын морт вит. Увгӧм шы кӧ кылан вӧлӧсьтын либӧ матькӧм шы — сійӧ комсомолечьяс нин. Аддзан кӧ зык, кось — сэн бара жӧ комсомолечьяс.

Пионеръяслӧн сідзжӧ некутшӧм удж оз мун. Мый вӧчӧны комсомолечьяс, на бӧрся и вӧчӧны пионеръяс: муртса на артмӧ кывныс, а матькӧны нин вӧлӧсьт шӧрын, ещӧ ӧд гӧрд галстукаӧсь, значокаӧсь шуӧны, ми пӧ «пионеръяс». Коммунист партия ячейкалы колӧ видзӧдны да индыны налы бурджык туй.

Сэсся эм Мордінын клуб.

Сэні вӧчалӧны спектакъяс. Клуб дорсьыс мукӧдлаын вӧв гидняыс гажаджык да шоныдджык. Клубсьыс джоджсӧ абу нин мыськавлӧмаӧсь, гашкӧ, во джын да, чунь судта нин сэн няйтыс. Сэсся керкаыс пемыд, буретш челядьлы дуранін кодь и эм. Пыран клубӧ да некутшӧм буртор он аддзы, сӧмын челядь ызгӧны-дурӧны.

Позтыса.