СЛӦБӦДАСА КООПЕРАТИВ

Кооператив Слӧбӧдаын лӧсьӧдӧма сӧмын кык тӧлысь сайын. Шленас пырӧма 85 морт, на пиысь ставыс абу на вермӧмаӧсь сетны паевӧй взноснысӧ. Кооперативса уджалысьяс уджалӧны бура. Кык тӧлысь тӧргуйтӧмӧн воӧма 106 шайт барыш. Учёт вӧчӧм бӧрын йӧз ошкисны правленньӧлысь уджсӧ дай шуисны содтыны дон приказчиклы да юралысьлы морт вит шайтӧн тӧлысь. Дон вылӧ уджалысь кооперативын кык и эм.

Волрабочкомын

пукалӧны кык морт Изъюров да Лыюров, а уджсӧ зэв омӧля нуӧны. Кыдзи уджалысьясӧс медалісны, кутшӧм условйӧ вӧчисны — рабочком оз тӧд. Ӧні Русанглолес вайӧма сэтшӧм зӧр, весиг вӧвъяс оз исыштны, пӧдӧма да, а рабочком оз шыась. Жалӧванньӧсӧ тай аддзӧ босьтнысӧ-а. Мужикъяс кылӧ шуасьӧны нин, некутшӧм кокньӧд кӧ пӧ оз ло рабочкомсянь, мӧд во ставным петам шленсьыс.

Уджалысь.