КӦРТКЕРӦСЫН

Сельхозналог тайӧ 1925−26 во вылӧ Кӧрткерӧсын 1072 шайт да 15 ур. Налогыс февраль 8 лун кежлӧ чукӧрмӧма нин 694 ш 25 ур, чукӧртны колӧ сӧмын 377 ш. 90 ур. 322 крестьяна пиысь 164 морт мынтӧмаӧсь ассьыныс налогсӧ ставсӧ нин. Сідзжӧ бура мунӧ страхӧвӧй налог мынтӧм. Колӧма чукӧртны 502 ш. 50 у., мынтӧма нин 358 шайт.

Мӧда-мӧдлы отсасян комитет

босьтіс сӧветскӧй станция 14 шайтӧн тӧлысь. Колльысян уджсӧ комитет кӧсйӧ сетны гӧльджык крестьянинъяслы да дӧваяслы.

Кооператив

тӧргуйтӧ бура, тӧваръяс эмӧсь. Крестьяналы коланджыкторъяс донтӧмджыкӧсь мукӧд тӧвар дорысь. Кооператив босьтіс Обсоюзлысь племеннӧй ӧш. Видзӧ сійӧс ачыс, кӧдзыд ва вылын да ньӧбӧм турун вылын, донтӧмджык дай бурджык эськӧ вӧлі, крестьянинлы кӧ видзны сетісны сійӧс.

Всеработземлесын

206 морт. 119 морт уджалӧ Русанглолеслы да Северолеслы, 93 шлен мунісны нажӧтка корсьны Богослов да Чусова заводъясӧ. Всеработземлесса комитетлы воӧ уна пӧлӧс газет да нига; найӧс уджалысьяс разӧдалӧны чомъясӧ лыддьыны.

Пельшӧрскӧй пунктын

выль пельшӧр воӧм бӧрын удж омӧльтчис. Пельшӧр Луцкая кӧсйӧ уджавны чига; унджык кӧ йӧз воас, увгӧ на вылӧ. Крестьяна норасьӧны нин сы вылӧ.

«Бим-бом»