ЙӦЗЛӦН ПЕМЫДЛУН

Муддин сиктӧ (Удораын) воліс корны пӧрысь пӧч Анань Ӧкуль. Сійӧ луннас жӧ висьмис сиктас ӧти баба. Рӧдвужыс висьмысьыслӧн пондісны шуны: «Тайӧ пӧ корысьыд тшыкӧдіс». Войнас найӧ локтісны узьысь пӧч дінӧ, лэччӧдісны Мезень ю вылӧ да коскӧдыс гезйӧн кӧрталӧмӧн куимысь сюйлісны чери кыян юкмӧсӧ: вӧйтам пӧ, он кӧ висьӧмсӧ босьт. Вӧйтныд абу жӧ лысьтӧмаӧсь; йи сюръя кодь кынӧс катӧдӧмаӧсь Анань Ӧкультӧ сиктас, шонтӧмаӧсь паччӧр вылын дай вӧтлӧмаӧсь сиктсьыс. Бӧрас вӧтчылӧмаӧсь на сы бӧрся да нӧйтӧмаӧсь вӧлӧкас. Мӧд сиктӧдз воӧмсӧ пӧчӧыс оз нин помнит, яй пасьталаыс лӧз; ӧні корныс весиг оз вермы петныс. Со тай мый керӧма морттӧ Удора пельӧсса йӧзлӧн пемыдлуныс.

Удораса.