ПЕНЯ СЕЛЬХОЗНАЛОГ МЫНТЫТӦМЫСЬ

Совнарком шуӧм серти пеня содӧма

Сельхозналог кӧ срок кежлӧ (медбӧръя) он мынты, мынтытӧм сьӧмыс недоимкаӧ пӧрӧ да лоӧ мынтігад тшӧтш сетны пеня.

Сельхозналог закон серти, пеня босьтсьыліс дасӧд (1⁄10) юкӧн прӧчент быд лунысь, сідзкӧ тӧлысьӧн быд шайтысь колӧ мынтыны пеня 3 урӧн — 3 прӧчентӧн. Ӧні, Союзса Совнарком шуӧм серти, февраль 15 лунсянь пеня содӧма кык мында, быд шайтысь тӧлысьӧн лоӧ мынтыны 6 урӧн нин.

Сельхозналог мынтысьяс пиын, дерт жӧ, эм гӧль йӧз, кодъяс эз вермыны мынтыны налог срок кежлӧ эз кӧсйытӧм вӧсна, а вермытӧм вӧсна (эз вӧв удж да эз вӧв сьӧм, висьмыліс уджалысьыд либӧ мукӧдтор). Татшӧмъясыс вермӧны корны вӧлӧсьтувса налогӧвӧй комиссиялысь, мед пеня на вылӧ оз пуктыны. Заявленньӧас колӧ гижны, мый вӧсна налогыс мынтытӧг кольӧма.

Вӧлӧсьтувса налогӧвӧй комиссияыс кӧ пенясьыс оз мезды, позьӧ норасьны Уездувса комиссияӧ. Уездувса налогӧвӧй комиссиялӧн шуӧмыс медбӧръя нин.

Сельхозналог мынтан срокъяс нюжӧдны некодлы закон оз тшӧкты. Сы вӧсна срокъяс нюжӧдӧм кузя заявленньӧяс сетавны нинӧмла, та йылысь колӧ налог мынтысьысьяслы быдӧнлы тӧдны.