ШВЕЙЦАРИЯ ДА СССР КОСТ СПОРУЙТӦМ ЭЗ ПОМАСЬ

Мукӧд государствояс кост сёрни нуӧдан Комиссариатсянь

Мӧскуа. Мукӧд государствояс кост сёрни нуӧдан Комиссариат юӧртӧ: Лига Наций корис СССР-ӧс конференция вылӧ сёрнитны разоружитчӧм йылысь. Конференциясӧ вӧлі кӧсйӧны чукӧртны февраль 15 лунӧ Женеваын (Швейцарияын). Сӧвет правительство юӧртіс конференция вылӧ локтӧм йылысь, вежас кӧ Лига Нацийыс чукӧртчанінсӧ. Сідзсӧ Сӧвет правительство шуис со мый вӧсна: 1923 воын Швейцарияын Лозанна карын вилісны миянлысь представительӧс Воровскӧй ёртӧс. Швейцарияса правительство виысьяссӧ эз мыжды. Ӧні Францияса правительство кӧсйӧ вӧлі миритны миянӧс Швейцариякӧд. Сӧвет правительство пыр на сулаліс войналы да споруйтӧмъяслы паныд, миритчыны кӧсйысис, сӧмын вӧлі корӧ швейцарияса правительстволысь извинитчыны ставысь да сетны пенсия Воровскӧй ёрт нывлы. Швейцарияса правительство СССР корӧм вылӧ некутшӧм ӧтвет эз сет. Сы вӧсна споруйтӧмыс Швейцария да СССР костын эз на помась. ТАСС.