ПОШТА КУД

КУЗЬМЫЛЬК. ВАРЫШЛЫ. Быд пемыд бабалысь да гӧгӧрвотӧм мужиклысь нинӧм кывъяссӧ газетӧ сюйны. Колӧ налы висьтавлыны: мӧда-мӧдлы отсасян комитетъясысь да мукӧдлаысь некутшӧм сьӧм оз сетны пырттӧм кагаяслы, быд служащӧйлы, кодӧс застрахуйтӧма, чужас кӧ сылӧн кага либӧ кулӧ кӧ кодкӧ, сетӧны ичӧтика сьӧм рӧскод вылас, вичкоас пыртлас кӧть оз, да сідз водзӧ. Газетын гижӧмӧн видны найӧс нинӧмысь, некод кӧ налы нинӧм оз висьтавлы.

СЫКТЫВДІНКАР. ТӦДЫСЬЛЫ. Госторгса агент йывсьыд оз мун. Сійӧ корӧм серти, оз кӧ ков сылы нинӧм, нинӧм жӧ оз сетны. Тӧдчанаторйыс сэні нинӧм абу.

СЫКТЫВДІНКАР. БУКУРСАЛЫ. Стихотворенньӧыд оз мун.

ВЕНИБ. ЛОДЫГИНЛЫ. Тӧдчытӧмтор йылысь гижан. Тайӧ гижӧдтӧ колі лэдзны стенӧ ӧшӧдан газетад.

ЫДЖЫДВИДЗ. ТУНЛЫ. Северолес йывсьыд ыстім Удж юкӧдӧ.

СЮЗЯЫБ. ВУДЖӦРЛЫ. Тэнад гижӧдысь сы мында бур вӧчӧмыс оз тыдав.

ВИЗИН. ДЕЛЕГАТКАЛЫ. Мыжыс кӧ эм, оз ков повны судӧ сетӧмысь. Тэ веськыдасӧ сійӧс нинӧмысь он мыжав да, огӧ жӧ вермӧй газетас лэдзны.

КОЙГОРТ. БЕДНЯГАЛЫ. Приказчик йывсьыд войдӧр колі висьтавны правленньӧыслы, да эз кӧ нинӧм вӧчны, вӧлисти гижны.

ПОМӦСДІН. СТЕПАНЛЫ. Колі гижны, кыдзи муніс нига разӧдан вежоныс, уна-ӧ нига босьтісны. Тэнад гижӧдыд нинӧм оз сет. Мӧд гижӧдыд оз жӧ мун: быдӧн тӧдӧ бабаяслысь сӧрӧмсӧ.

ШЫЛАДОР. Поп юӧм йывсьыд быдӧн тӧдӧны.

ЫБ. ЗВӦНАРЛЫ. Смирнов йывсьыд кыпӧд сёрни школаса сӧвет вылын.

ВИЗЯБӦЖ. КЫРЫМ АДДЗЫЛЫСЬЛЫ. Праздник йывсьыд вӧлі нин.

ПРОНЬДОР. КӦЧЛЫ. Асланыд стенӧ ӧшӧдан газетад гиж.

ПАЛАЗЗЯ. СЕРПЛЫ. Кыпӧдӧ сёрни лыддьысян керка сӧвет вылын.

КЫВТЫВА. ПОРСЬ ВИДЗЫСЬЛЫ. Ставсӧ бура тӧдтӧг шуны нинӧм он вермы.

ВОЧ. КЫВЛЫ. Абу тай буржуйлы вузалӧма, мед. Кооперативыд ӧд крестьяналӧн лӧсьӧдӧмтор.

УСТЬ-СЫСОЛЬСК. ЛИПИН ӦНЬӦЛЫ. Вывті паськыда босьтӧмыд да нинӧм абу висьталӧмыд.