МАШИНА ВЫЛӦ СЬӦМ ВОШИ

Чукаыбса крестьяна неважӧн Визинса удждысян тӧвариществолысь ньӧбисны «Триер» нима кӧйдыс весалан машина. Вайисны машинасӧ Чукаыбӧ, видлісны — машина кӧйдыс оз весав, оз уджав. Машинаяс тӧдысь йӧз сиктын абу — гашкӧ, уджалӧ, да лӧсьӧдныс оз кужны. Ыстылісны та йылысь гоз-мӧд гижӧд Визин карӧ, да сэсянь кыв ни джын, ни машина видлысь ӧнӧдз на эз волы. Машина куйлӧ, крестьяналӧн сьӧм воши.

Видлытӧгыд машинатӧ крестьянаыдлы оз жӧ эськӧ ков вузавны да.

С. И. Модянов.