«БУР УДЖ НУӦДЫСЬ»

Зеленечса йӧз ёна волывлӧны лыддьысян керкаӧ, уна мог найӧс сулӧ избач дінӧ, сиктса йӧз пӧвстын югдӧдан удж нуӧдысь дінӧ. Сӧмын избачыс торкӧ ачыс лыддьысян керкаыслысь уджсӧ. Видзӧдлӧй, кыдзи на костын уджаліс медколан каднас, кыдзи казьтыліс Ленин ёрт кулӧмлы мӧд во тыран лунсӧ. Вежон войдӧр пондіс юны да эз и палявлы медбӧръя лунӧдзыс; лыддьысян керка эз восьтыв. Январ 21-ӧд лунӧ йӧз локталӧмаӧсь лыддьысян керкаӧ — да видзӧдӧны челядьлысь дурӧмсӧ, кывзӧны комсомолечьяслысь пинясьӧмсӧ. Весиг ӧлӧдысьыс некод абу.

Уполитпросвет, пальӧд татшӧм избачсӧ.

Лыюров.