ЛАТВИЯЫН ВИИСНЫ СӦВЕТСКӦЙ КУРЬЕРӦС

Рига. Латвияын февраль 5 лунӧ войнас поездын тӧдтӧм йӧз уськӧдчӧмаӧсь сӧветскӧй курьеръяс вылӧ. Ӧти курьерсӧ — Неттеӧс — виӧмаӧсь, мӧдсӧ — Махмастальӧс — ёна ранитӧмаӧсь. Водзсасигас сӧветскӧй курьеръясыс кык бандитӧс виӧмаӧсь, найӧ вӧлӧмаӧсь латвияса граждана — кык вок Гавриловичьяс.

Курьер Махмасталь со мый висьталӧ: поездыс воӧ нин вӧлі Ригаӧ, ме петі коридорӧ да казялі сэтысь нёль маскаа да револьвера йӧзӧс. Ме садьмӧді Неттеӧс. Ӧти бандит пырис миян пукаланінӧ да уськӧдчис ме вылӧ. Нетте лыйис револьверысь. Сэк котӧрӧн пырис мӧд бандит да помала кымыныськӧ лыйис револьверысь Неттеӧс, сійӧ лыйлӧмысь кулі, менӧ ранитіс. Ӧти бандитыс уси Нетте лыйӧмысь вӧсна, мӧдсӧ ме ёна раниті.

Бандитъяс уськӧдчисны сӧветскӧй пошта грабитӧм вӧсна. ТАСС.