ВАЖСӦ — ЙИРӦ

Коді ачыс асьсӧ ёрӧ,
Вермӧм вылӧ оз пет-мун,
Сійӧ ачыс асьсӧ дорӧ,
Ачыс ассьыс пычкӧ вын.

Коді бокын шопкӧ-чушкӧ,
Выль туй вылӧ оз чӧвт син,
Ассьыс эмбур, асьсӧ воштӧ — 
Сійӧ мортыд шуй нин джын.

Коді выльлы мунӧ лӧгӧн,
Важлысь ошкӧ мунан туй — 
Сійӧс позьӧ шуны кӧкӧн:
Кӧкӧ, узьӧ, олӧ жуй.

Коді мырсьӧм, вермӧм эльтӧ,
Код эз тӧдлы йӧзлысь мог — 
Мырсьысь, кӧртав ӧтла кольта,
Дай йирӧ шыбит сэтшӧм ёг!