ВЫЛЬ ОЛӦМ ДОРНЫ...

Ӧтилаӧ сьӧлӧм йитам,
Тыш кось вылӧ петысь йӧз!
Важлысь нюйтсӧ биӧн сотам,
Гаддьӧсь киӧн перъям мез.

Мед ми этшан, энӧ полӧй! — 
Веськыдлунын миян вын.
Мездлун перйӧм кодлы колӧ
Миян бӧрся пет да мун!

Ылын тӧдчӧ кыа югӧр,
Шувгӧ, садьмис кылӧ вӧр,
Пемлысь, важлысь сынӧд гудыр
Югӧр сотӧ нин сер-сер.

Мыйтор тӧрыт вӧлі вӧтӧн,
Талун сійӧ ставыс збыль.
Мед ми этшан, сёлы витӧн — 
Мунам дорам олӧм выль!...