ОТСАЛӦЙ!

Олӧм кӧ кӧсъям ми кыпӧдны збыльысь,
Олӧм кӧ кӧсъям ми вӧчны выль ног,
Отсалӧй сылы, код овмӧдчӧ выльысь,
Збыльысь мед тӧдас, мый сы дор ми век.

Олӧм кӧ кӧсъям ми ёнмӧдны гӧгӧр,
Олӧм кӧ кӧсъям ми лэптыны выль,
Олӧма йӧзыслысь содтыштӧй вежӧр,
Сьӧлӧмас ёнджыка мӧрччас мед выль.

Гӧгӧр мед шыльыда, лӧсьыда артмас,
Бур туйӧд мунігӧн оз ло мед мытш.
Веськыда, повтӧга мунӧй пыр ӧтмоз,
Югыдлань воамӧй ставным мед тшӧтш.

Мунігӧн паныдӧн медым оз петны,
Мунігӧн туй вылын эз ло мед кось,
Водзвывджык унатор колӧ ӧд тӧдны:
Тӧдӧмӧн этшаджык киссяс вир-пӧсь.

Олӧм кӧ кӧсъям ми кыпӧдны збыльысь,
Олӧм кӧ кӧсъям ми вӧчны выль ног,
Койыштӧй важыслысь нэм кежлӧ мыльӧс — 
Став йӧзыс лоӧ мед ӧтчукӧр вок!!!