ПАРМА ЗОН

(Анисим Петрович Тимушев)

Парма Зон — Донса (Кулӧмдін вӧлӧсьт улысь) гӧль крестьянин. Велӧдчӧма сӧмын ичӧт школаын. Уджалӧ крестьянствоас; некӧн оз служит.

Парма Зон уна нин гижӧма: Коми нига лэдзанінӧ вайис куим кыз тетрадь, сэтысь кодсюрӧӧс ӧні и печатайтам. Дерт, сылӧн гижӧдъясыс абу на ёна шыльыдӧсь, да бур коми поэтъяс (Нёбдінса Виттор да мукӧд) гижӧдъяс серти велӧдчас водзӧ шыльыда лӧсьӧдавны.

Октябрса Революция кыпӧдіс крестьяна пӧвстысь уна уджалысьӧс, уна «парма зонмӧс». Колӧ мырсьыны, мед нӧшта на унджык «парма зон» петас миян коми крестьяна пӧвстысь да мед налӧн уджалӧмыс век ӧтарӧ ёнмас, паськалас.