ЙИ ЧОЙӦД ИСЛАЛӦМ

Ӧшинь улын быд тӧв
Овлӧ гажа ӧд зэв — 
	Йи чой вӧчӧма.
Сэні посни том йӧз
Быд лун чукӧрмӧ лӧз,
	Гажа ворсӧны.
Быдӧн сералӧ сэн,
Юргӧ, быттьӧкӧ звӧн,
	Челядь гӧлӧсъяс.
Вӧчис Микушлы бать
Мича краситӧм дадь
	Чойкӧд иславны.
Мишук иславны збой:
Кыдзи лэбзяс, ой-ой,
	Маша чойыскӧд,
Маша полӧ на век,
Ёна чилӧстӧ сэк...
	Мишук нюмъялӧ.
Шуӧ чойыслы кыв:
«Кад нин, йӧюкӧ ныв,
	Полӧм шыбитны»...