ПОСНИ ЧЕЛЯДЬЛӦН СЬЫЛАНКЫВ

Ми посни, еджыд лым чиръяс,
Ми лэбалім нин дыр,
Зэв кокньыдӧсь ми, гӧн кодьӧсь,
Зэв кӧдзыдӧсь ми пыр.
То тайӧ рудов кымӧрыс
Пыр вӧлі миян горт,
Сэсь лэччим сэсся му вылӧ,
Мед шойччас мудзӧм борд.
Тан водны кӧсъям узьыштны,
Да дзугӧ злӧдей-тӧв:
Пыр шувгӧ сійӧ, шутьлялӧ,
Оз некор овлы чӧв.
Кыдз миянӧс тай чукӧртлас,
Кыдз паськӧдас тай бӧр,
Сэк кыпӧдлас да гартыштас...
Со кутшӧм сійӧ скӧр.