ПОШТА КУД

ОТ. КАЗЯВЛІ. Тэ, ёрт, дзик нинӧмсӧ гижан. Сэтшӧм посниторъяс газетын оз мунны.

ЫДЖЫД КӦДЖМУДОР. ЧУШКАНЗІЛЫ. Коммунистыд, дерт, вичкотӧг пыртас кагатӧ. Сы йылысь газетад дзик нинӧм гижныс.

ЛӦЗЫМ. СИМАКОВЛЫ. Выльгортса детдом йывсьыд гижлім нин.

УЖЪЯ. ЛИЧЛЫ. Стихъясыд абу шыльыдӧсь, оз мунны.

СЮСЬ ДЕТИНАЛЫ. Адрестӧ пасйытӧг гижӧдъясыд оз мунны.

ВЕЖДІН. КОДАНЁВЛЫ ДА ЮРКЛЫ. Бабаяс юӧм йывсьыд оз мун. Газетад гижӧмнад найӧс дугӧдныд он вермы.

АБЪЯЧОЙ. КРУЖОКСА ШЛЕНЛЫ. Сельскокӧзяйственнӧй кружок йывсьыд оз мун, тӧдчанаторйыс нинӧм абу.

ВОЛСЯ. Б-влы. Он гиж, мый найӧ вӧчӧмаӧсь, кутшӧм удж нуӧдӧмаӧсь. Юӧм йывсьыд оз жӧ мун.

ВИСЕР. КЫВЗЫСЬЯСЛЫ. Веськыда колі гижны, мый нелючкияссӧ вӧчис Игумовыс. Тэнад гижӧдысь нинӧм оз позь гӧгӧрвоны.

СПАСПОРУБ. ИЗӦДЧЫСЬЛЫ. Абу гижӧмыд, кодлӧн мельничаыс. Общественнӧй кӧ сійӧ, сӧмын мельниксӧ бурджыкӧн вежны.