ДОНЫН

Йӧзӧс велӧдан удж

мунӧ омӧля. Гырысьясӧс оз на велӧдны — карасиныс пӧ абу, волисполком оз сет. Велӧдысь Игнатова йӧз костын уджалӧ омӧля, мынтӧдчӧ эштытӧмӧн. Нардом абу. Том йӧз сёрнитӧны сійӧс лӧсьӧдӧм йылысь, да отсӧгыс немысь абу. Эм важ дяклӧн керка — ныма (как раз) лыддьысян керка и эм. Ленин кулан лунъясӧ нинӧм гӧрд пельӧсын эз вӧв. Удж нуӧдысьыс буретш сэк кежлӧ кайӧма Керчомъяӧ праздничайтны.

Пӧжарнӧй сарай

миян абу. Машинаыс позтӧм кӧк моз во куим нин ветлӧдлӧ кӧнсюрӧ. ВИК эськӧ тӧдӧ та йылысь, да оз вичмӧд сьӧмсӧ сарай вылӧ.

П-Н.