ОБЛАСЬТУВСА ЮКӦДЪЯСЫН УДЖ НУӦДЫСЬЯС

Февраль 5-ӧд лунӧ вӧлі Коми обласьтувса Исполнительнӧй Комитетлӧн пленум. Пленум вылас индалісны уджсӧ Обисполкомса шленъяслы со кыдзи: Обисполкомса юралысьӧ пуктісны Мишаринӧс, сійӧс вежысьясӧн (заместителями) — Нахлупинӧс да Артеевӧс (сиктса уджалысь), шленъясӧ: Селивановӧс, Маеговӧс, Елькинӧс, Стенинӧс (сійӧ жӧ секретар). Кандидатъясӧ: Буткинӧс да Трофимовӧс.

ВЦИК-са президиумӧ обласьтсянь бӧрйисны представительӧн Юркинӧс.

Обласьтувса юкӧдъясын юралысьясӧ пуктісны: административнӧй юкӧдӧ — Чуистов В. Й., видз-му управленньӧӧ — А. В. Нахлупин (сійӧ жӧ обисполкомса юралысьӧс вежысь), вермытӧмъяслы отсалан юкӧдӧ (Собес) — П. В. Забоев, дзоньвидзалун кутан юкӧдӧ — В. Г. Лихачёв, овмӧс нуӧдан юкӧдӧ (О. М. Х.) — Ф. С. Коковкин, финанс юкӧдӧ — Г. В. Потапов, войтырӧс велӧдан юкӧдӧ (Обоно) — Н. С. Полещиков, удж юкӧдӧ — А. А. Неволин, ОРКИ — Трофимов, пытшкӧсса вузасьӧм лӧсьӧдан юкӧдӧ (Внуторг) — А. С. Лодыгин, Обпланӧ — А. А. Маегов, Обсудӧ — А. А. Айбабин, Обстатбюроӧ — Эзет.

Мукӧд обисполкомса шленъясыс кольӧны важ удж вылас.