МАНЧЖУРИЯСА ВЛАСЬТЪЯС ДЫГЫДА ДУГДӦНЫ

Пекин. Январ 28-ӧд лунӧ Карахан ёрт ыстіс Харбинса генеральнӧй консул Грандтлысь телеграмма Китайын мукӧд государство кост удж нуӧдысь министрлы. Телеграмма шуӧма: Харбинын Асыввыв китайса кӧрт туй кузя пыр на арестуйталӧны сӧветскӧй уджалысьясӧс да служащӧйясӧс. Томиник йӧзӧс (несовершеннолетние) арестуйтӧм бӧрас мучитӧны. Карахан ассяныс зэв чорыда шуӧ: тадзи пӧ уджавны оз позь, вермас пӧ торксьыны олӧм Китай да СССР кост. Сэк пӧ сьӧкыдджык лоӧ китайса йӧзлы водзсасьны капиталистъяскӧд.

Водзӧ Карахан аслас нотаас шуӧ: телеграммаӧн пӧ висьталӧй Маньчжурияса власьтъяслы, медым найӧ пырысьтӧм-пыр жӧ тшӧктасны дугӧдны арестъяс, мучитӧмъяс да нартитчӧм Сӧветскӧй граждана вылын. Ме зэв ёна тшӧкта збыльысьджык видзӧдлыны та вылӧ да кыдз-мый дугӧдны тайӧ став лёк уджсӧ. Тадзи кӧ водзӧ кутас мунны, Китай да СССР кост вермас ёна торксьыны бура олӧм.

Дзик жӧ татшӧм телеграмма Карахан ёрт ыстіс Чжан Цзолиньлы. Сійӧ телеграммаас Карахан ёрт тшӧктӧ вӧтлыны Харбинса войска вылын командующӧйсӧ — Чжан Хуансянӧс. ТАСС.