СТАВНЫД ВИДЛАЛӦЙ ВИДЗ-МУ УДЖАЛАН МАШИНАЯС

Видз-му Комиссариат 22 губерняын лӧсьӧдіс видз-му уджалан машинаяс видлавны торъя комиссияяс. Сэтшӧм комиссия миян обласьтын лӧсьӧдӧма жӧ. Быд крестьянинлы колӧ видлавны, кутшӧм эм сиктъясын видз-му уджалан машинаяс да гижны комиссияас, мый неладнӧ машинаыс вӧчӧма, мыйла машинаыс омӧля уджалӧ, кутшӧм омӧльторъяс эмӧсь машинаас. Видлалӧм бӧрын колӧ гижны акт да индыны, кутшӧм организация пыр машинаыс деревняас воӧма, кутшӧм заводын вӧлі вӧчӧма. Актъяссӧ колӧ мӧдӧдны обласьтувса Видз-му юкӧдлы. Сэсь став гижӧдъяссӧ мӧдӧдны Республикаса овмӧс нуӧдан Сӧветлы (Совет Нар. Хоз.). Сӧветыс сэсся заводыслы индас — мый машинаас колӧ вежны.