* * *

Война туйяс... Бус да сьӧд ру,
Взрывӧн кодйӧм гуяс, танкӧн лойӧм му.
Кысь нӧ тӧдан, кор тшук дзенгас — шков,
Гашкӧ тані-й пӧдан — пуктан ассьыд лов.
Бусыс пырӧ морӧс пиад, эбӧстӧ виӧ.
Гӧгӧр сотчӧ, койӧ биӧн, а пуляыд йӧй.

Война туйяс... Бус да сьӧд ру,
Взрывӧн кодйӧм гуяс, танкӧн лойӧм му.
Лыйӧм кылӧ. — кырныш зэв збой, —
Тані йӧз му вылын куйлӧ друглӧн шой.
Туйыс водзӧ, водзӧ мунӧ, тшын-бусыс зэв уна.
Муыс вевттьысьӧма рунас, — дзик тӧдтӧм му.

Война туйяс... Бус да сьӧд ру,
Взрывӧн кодйӧм гуяс, танкӧн лойӧм му.
Вӧрйыв сайын шонді зэв рам.
Кильчӧ содйӧд кайӧ шогсьысь пӧрысь мам.
Кымӧс весьтас кутӧ кисӧ, — мам сьӧлӧмыд висьӧ.
Быдлун виччысьӧ тан писӧ, а пиыс оз лок.

Война туйяс... Бус да сьӧд ру,
Взрывӧн кодйӧм гуяс, танкӧн лойӧм му.
Вуджим мыйтта вир кисьтана кось!
Некор война туйтӧ вунӧдны оз позь.