ЭНӦ КЫЛӦДӦЙ ВУНДАН МАШИНА ЭЖВА КУЗЯ

Кулӧмдінын гожӧмбыд Эжва дорын куйліс кутшӧмкӧ вундан машина. Ӧні машинаыс пырис йи улӧ, а тулыснас, дерт жӧ, кывтас Сыктывдінкарӧ.

Сентябр тӧлысьын та йылысь гижлісны Кулӧмдінса стенӧ ӧшӧдан газетын, сӧмын сідз на коли.

Ӧнія Уездувса съезд вылын ме записка мыччылі уездувса видз-му управленньӧса представительыслы, да сійӧ шуис, абу пӧ машинаыс миян. А водзвылас Керчомса делегат висьталіс, тайӧ машинасӧ пӧ ми ыстылім уездувса видз-му управленньӧлы. Вайӧ висьталӧй, коді татысь мыжа?

Л. Дедов.