ВИДЗӦЙ КӦРЫМТӦ!
Ньӧблі ме таво тӧв мӧс. Мӧскыс шӧркоддьӧм тушаа, куканясьӧмсӧ вӧлі виччысьӧны тӧлысь куим мысти.
Тайӧ мӧссӧ куті ме вердны ас ног; лун кежлас вӧлі сета: 1 пуд да 10 пунт турун, 3 пунт картупель да ӧти пунт пызь.
Мӧскыс вӧлі сетӧ суткинас йӧвсӧ 13 пунт. Сэсся ме видзӧдны куті да, мӧскыд уна сёйӧ. Пыр кӧ сідз вердны, менам кӧрымыс оз тырмы дай йӧлыс вывті дона сувтас. Та йылысь ме шыаси агроном дінӧ, кори сылысь сӧвет, мед индас, кыдзи бурджык мӧссӧ вердныс. Агрономыд воліс ме ордӧ, видліс мӧссӧ, тӧдмаліс сылысь сьӧктасӧ (
Тадзтӧ куті вердны да, менам мӧскыд куим лун мысти кутіс лысьтыны 1 пунтӧн унджык, вайтӧдзыс эськӧ коли сӧмын нин кык тӧлысь да джын да.
Кӧрым дон куті лыддьыны да, менам со мый артмис. Важ моз вердігас тӧлысьӧн мӧс вылӧ кӧрымыс вӧлі мунӧ:
Турун 37 пуд да 20 пунт — 10 шайт да 40 ур дон.
Картупель 2 пуд да 10 пунт — — — 90 ур дон.
Пызь — — — 30 пунт — 1 шайт да 13 ур дон.
__________
Ставыс 12 шайт да 43 ур.^Донсӧ пукталӧма миян места серти./^
Кор ме куті вердны агроном индалӧм серти, сэк менам тӧлысьнас кӧрымыс кутіс мунны:
Турун 15 пуд да 30 пунт — 4 шайт да 41 ур дон.
Картупель 4 пуд да 20 пунт — 1 шайт да 80 ур дон.
Пызь — 1 шайт да 12 ур дон.
__________
Ставыс 7 шайт да 33 ур.
Ӧти мӧс вылас тадзтӧ вердігӧн менам кӧрымыс кутіс мунны 5 шайт да 10 ур дон этшаджык.
Крестьяниныд кӧ видзӧ, шуам, куим мӧс, сылӧн быд тӧлысь кӧрымыс кутас мунны этшаджык 15 шайт да 30 ур дон; а кутан кӧ лыддьыны тӧвбыдса вердӧмсӧ (8 тӧлысь), кӧрымыс мунӧ 122 шайт да 40 ур дон этшаджык. Сы кындзи мӧскыд ещӧ и йӧвсӧ сетӧ унджык.
Кӧрымсӧ лунтырӧн ме со кыдзи сетала мӧслы:
6 час асылын 6 пунт турун;
10 час асылын 6 пунт турун да юктала.
2 час лун 6 пунт картупель да 1 пунт пызь;
6 час рыт 9 пунт турун да юктала.
Быд юкталігӧн ва пиас пукта кык зӧлӧтникӧн сов.
Аслам видлӧг серти, ме быд крестьянинлы сӧветуйта мӧсъяссӧ вердны агрономъяс велӧдӧм-индалӧм серти. Сэтысь крестьянинлы бур кындзи нинӧм оз ло.
Лойма, Сыктыв у.
Видлысь.
