***

Январ 27 лунӧ Сыктывдінкарын воссис обласьтувса Сӧветъяслӧн 5-ӧд съезд. Съезд вылӧ воӧмаӧсь 97 делегат, на пиысь 91 мужик да 6 нывбаба. Сыктыв уездысь воӧма 24 морт, Емдінысь 16 морт, Кулӧмдінысь 20 да Изьваысь 13 морт. Съезд вылӧ воӧмаӧсь тшӧтш кык делегат самоединъяссянь.

Январ 27 лунӧ съезд кывзіс Булышев ёртлысь доклад СССР-ын да мукӧд государствоясын олӧм йылысь. Январ 28 лунӧ асывнас Мишарин ёрт вӧчис доклад обласьтувса исполкомын уджалӧм йылысь. Рытнас вӧлі делегатъяслӧн вензьӧм Мишарин ёрт доклад кузя. Январ 29 лунӧ асъя заседанньӧ вылас бара вензисны Мишарин ёрт доклад кузя. Рытнас Мишарин ёрт висьталіс бӧръя кыв. Сэсся Нахлупин ёрт вӧчис доклад обласьтувса Сӧветъяс удж йылысь.