ПОТАН ДОРЫН СЬЫЛАН

Ӧввӧ, ӧввӧ, ӧввӧ,
Ӧввӧ, Теушлы, ӧввӧ!

Югыд кыа петӧма,
Гажа кыа, тувсовъя.
Мича кайяс сьылӧны,
Вӧрын позъяс кыӧны.

Ӧввӧ, ӧввӧ, ӧввӧ,
Ӧввӧ, Теушлы, ӧввӧ!

Колипкай, тэ колипкай,
Медся гажа сьылысь кай,
Лэбзьыв миян сад-йӧрӧ,
Миян ӧшинь ув дорӧ.

Ӧввӧ, ӧввӧ, ӧввӧ,
Ӧввӧ, Теушлы, ӧввӧ!

Льӧм пуясӧд жбыркъялышт,
Ӧмидз-сэтӧр кокалышт,
Сьылан Теушлы сьылышт!

Ӧввӧ, ӧввӧ, ӧввӧ,
Ӧввӧ, Теушлы, ӧввӧ!