ИОНА ТИМОПЕЕВИЧ ЧИСТАЛЁВӦС КАЗЬТЫШТӦМ КУЗЯ
Кор Исполкомыдлы уси мывкыд вылас Комиыдлысь школатӧ комиад пӧртны, сэки сійӧ корис Иона Тимопеевичӧс йӧз велӧдан вежӧсса юралысь вылӧ.
Быдсямаыс на жӧ эськӧ вӧлі да: воча сувтысьыс и, зыртчысьыс и, арестнас повзьӧдлысьыс и, да эз тай повзьы мортыс — ӧтырышъя нуӧдіс уджсӧ.
Омӧльыскӧд вермасис, миянлы отсасис — долыд вӧлі сыкӧд уджавныд. Медсьӧкыд уджсӧ пыр ачыс тшӧтш вӧчис.
Коми комиссияад и, коми литература лӧсьӧдан удж пиад и, школаясад и, коми сцена вылад и, — быд колан удж вылӧ тырмыліс.
Ӧтиӧс лэптӧм ни мӧдӧс кедзовтӧм мортыдлӧн эз вӧв. Мӧда-мӧдтӧ йирӧмыд ӧд сэсся эз жӧ сэки вӧв.
Ёна ӧд и паськавлі сы дырйи коми уджыд.
Сы бӧрын сійӧ уджсӧ жӧ мукӧдыс кутісны «шовинизмӧн» нимтыны. Не Обкома-Исполкомаыд кӧ (тавосянь нуӧдӧны «
Нинӧм, ӧні бара легализацияалісны Иона дырйи панӧм уджсӧ.
Исполком-Обком вылӧ гажӧн позьӧ водзӧ уджавны.
Да, сьӧлӧмсьыс уджаліс Ионаыд, ловсӧ пуктіс удж вылас. Медбӧрыннас ми сыкӧд ӧтлаасим Пӧддельнӧйса санаторияын — да сэн на ещӧ удж пондаыд сылӧн сьӧлӧмыс висис. «Коми хрестоматиялы» вӧлі критика лӧсьӧдӧма да ассьыс коми стихъяс лӧсьӧдӧма пасъявны.
Иона кувсис Пӧддельнӧйса санаторияын вокыс дырйи да ме дырйи. Санаторийса юралысьыс А. С. Посников ёна сы понда тӧждысис: ачыс вердіс-мыськаліс, ачыс сиделка пыдди вӧлі.
Иона юрлӧс улӧ пуктім пожӧм лысъяс: «Сё майбырӧй, олӧмӧй! пипу вольпасьӧй да кыдзпу юрлӧсӧй!»... — дум вылас уси вокыслы йӧз муын олысь комилӧн шогсьӧмыс.
Гуалім Ионаӧс гажа ягӧ. Гу сюръя вылас лои гижӧма: «Иона Чисталёв. 1923ʼ вося юльса 24-ӧд лун».
Сандрӧ Васьӧ.
